Kátir voru karlar!


Vel heppnað Karlakvöld er nú að baki þar sem metþátttaka var. Annar bassi sá um allan undirbúning að þessu sinni og setti bæði leikþátt á svið og ýmis skemmtiatriði. Gísli Einarsson úr „Landanum“ var veislustjóri og er óhætt að segja að hann hafi staðið undir væntingum.

Að þessu sinni var feitt hrossaket í matinn með kartöflum og uppstúfi og meira að segja var grænmeti með, bæði grænar ora-baunir og rauðkál. Var öllu þessu gerð svo góð skil að varla var nægur afgangur til fyrir bassana og lá við stympingum um síðustu bitana. Er áætlað að milli 500 – 600 gr. hafi farið ofaní hvern gest af kjöti. Þessi samkoma er jafnan mikið tilhlökkunarefni fyrir kórfélaga jafnt sem gesti en líka ein mikilvægasta fjáröflunarleið kórsins.

 

 

Deilum þessu...
Share on Facebook
Facebook

Leave a comment

Netfang þitt verður ekki birt. Nauðsynlegir reitir eru merktir *